Transcription
1
Reçue à Grenoble, le 21 mars 1573.
2
Monsieur, ayant resseu les lettres de mesieurs d'Evènes et de
3
Laval, je nay volu falhir incontinent les vous fère tenir,
4
sachant combien elles vous seront agreables à ressevoyr ;
5
et despuys que je vous scripvis du XVIIIe, il nest survenu
6
aultre chose. Le cappitaine Coulon est prest à fère monstre,
7
lequel est yssy et foys comme. Je vous ay parsy devant script et
8
ayant plusieurs advis que lanemy advoyt grande anvie
9
datraper Grane, je y fus avantièr, hou trovey monsieur de
10
Briansson qui sen vouloyt aler à grenoble. Je larrestey jusques
11
à votre venue. Il luy semble advoyr fort peu de souldats pour
12
la garde du chasteau ; et à la verité, le nombre nest
13
pas grand. Il ne sest point aydé de la comission que
14
je luy advoys balhée, à cause des lettres que luy adviés
15
anvoyées. Vous verrés ce quil vous script du tout. Jay
16
resseu les votres du XVIe lesquelles hont grandement rejoy
17
les compagnons hoyant parler de fère monstre pour deux
18
cartiers. Madamoyselle d'Ourche est du tout guerri. Toutes
19
choses ce conportent de ce costé bien, graces à Dieu. De tout
20
ce qui se presantera, je vous tiendrey adverty, et atendent
21
de vous nouvelles et vous comandemens, je supplierey Notre
22
Seigneur vous donner
23
monsieur, en parfaicte prosperité très heureuse et très bonne
24
vie et longue. De Lauriol, ce XXe de mars 1573
25
Votre très humble serviteur
26
Rousset
27
Monsieur, ayant heu certeyns advis que lanemy se vouloyt saysir
28
de Bay sachant le peu de jentz quilz y advoyt, jadvertis le cappitaine
29
du chasteau, lequel, se voyant desporveu prontement de moyen, me fit
30
deux recharges dens deux heures quil me priet pour le service du roy
31
que je lacomodasse de quelques soldatz, ce que jay faict et luy ay anvoyé
32
XXV arquebusiers, atandeus quil en aye recovrés dalheurs. Je ne vous veulx
33
dire limportence de ce lieu silz advoyent saysy les chasteaux. Vous voyés comme
34les affayres vont de ce costé. [barré : los ] En aulcugne des viles lons ne veult ressevoyr monsieur
35
de Laugières, somme cest ungne confusion.